दाङ : थारु पत्रकार संघ दाङ र राष्ट्रिय थारु कलाकार मञ्च दाङ बिच शनिबार मैत्रीपूर्ण फुटबल प्रतियोगिता भएको छ । मैत्रीपूर्ण फुटबल प्रतियोगितामा थारु पत्रकार संघ दाङ एक गोलका विरुद्ध पाँच गोल अन्तरले विजयी भएको छ ।
थारु पत्रकार संघ दाङका तर्फबाट खेलको पहिलो हाफमा सुबास चौधरीले दुई गोल, दोश्रो हाफ पछि प्रवेश चौधरीले दुई गोल र एक गोल कलाकारको तर्फबाट आत्मघाती भएको थियो । यस्तै राष्ट्रिय थारु कलाकार मञ्चको तर्फबाट पर्याप्त चौधरीले एक गोल गरेका थिए । घोराही उपहानगरपालिकामा वडा नं १७ ओखरा निवासी पत्रकार प्रकाश चौधरीका भाई विजय चौधरीको स्मृतिमा मैत्रीपूर्ण फुटबल प्रतियोगिताको आयोजना गरिएको थियो ।
पत्रकार चौधरीका भाई विजय द्धन्द कालमा सहादत भएका थिए । यस अवसरमा विजयी थारु पत्रकार संघलाई २ हजार नगद पुरस्कार प्रदान गरिएको थियो । विजयी टिमलाई पत्रकार एवं थारु पत्रकार संघका सल्लाहकार लक्ष्मीमान चौधरीले प्रदान गरेका थिए । यस्तै खेलमा थारु पत्रकार संघका अध्यक्ष नवीन चौधरी लाई उत्कृष्ट गोलरक्षकको उपाधि प्रदान गरिएको रामएम जगत कुसुम्याले जानकारी दिए ।
