समाचार सारांश
- नेपालगञ्ज उपमहानगरपालिका–१ मा वडा कार्यालय, उपमहानगरपालिका र लुम्बिनी प्रदेश सरकारको लगानीमा अन्तर्राष्ट्रियस्तरको साइकल पम्प ट्र्याक निर्माण गरी सञ्चालनमा ल्याइएको छ।
- पम्प ट्र्याक उद्घाटनसँगै आयोजित ‘ओपन नेपालगञ्ज पम्प ट्र्याक च्यालेन्ज २०२६’ मा देशभरका ३५ खेलाडीले विभिन्न उमेर समूहमा प्रतिस्पर्धा गरेका थिए, जसमा काठमाडौँका निरप श्रेष्ठ इलाइट पुरुषतर्फ प्रथम बने।
- कार्यक्रममा स्थानीय तथा प्रदेश सरकारका प्रतिनिधिले खेल पूर्वाधार विकास र साइकलिङ खेलाडी उत्पादनमा सहयोग गर्ने प्रतिबद्धता व्यक्त गरेका छन्।
नेपालगञ्ज : नेपालगञ्जमा साईकलिङ्गका नेपालगञ्ज उपमहानगर वडानं. १ ले अन्तराष्ट्रिय स्तरको साईकल पम्प ट्र्याक निर्माण गरि सञ्चालनमा ल्याएको छ ।
नेपालगञ्ज वडानं १ वडा कार्यालय, नेपालगञ्ज उपमहानगरपालिका र लुम्बिनी प्रदेश सरकारको प्रत्यक्ष लगानीमा सो साईकल पम्प ट्र्याक निर्माण गरि सञ्चालनमा ल्याईएको वडा अध्यक्ष प्रमोद रिजालले बताए ।
वडा अध्यक्ष रिजालले शिवपार्वती मन्दीरसग सम्झौता गरी साईक्लिङ्ग क्लवको माग अनुसार अन्तराष्ट्रियस्तरको साईकल पम्प ट्र्याक निर्माण गरिएको जानकारी दिए ।
नेपालगञ्ज उपमहानगरपालिकाका नगरप्रमुख प्रशान्त विष्टले ंंंंसाईक्लिङ्गका खेलाडी उत्पादन र साईकल पम्प ट्र्याकको सौन्र्दय करणमा ध्यान पुराउने बताए । ‘साईकल पम्प ट्र्याक भएर मात्र के गर्नु त्यहा खेलाडी खेल्न आउदैनन भने । खलाडी आउने बाताबरण बनाउन उपमहानगरले सकेको सहयोग गर्ने प्रतिबद्धता जनाउछु’–उनले भने ।
लुम्बिनी प्रदेसका भौतिक योजना मन्त्री रत्न खत्रीले साईकल पम्प ट्र्याकको उद्घाटन गर्दै प्रदेश सरकारले खेलपूर्वाधारमा यथेष्ट लगानी गर्दै आएको र यस वर्षमा पनि केहि योजना भएको बताए ।
साईकल पम्प ट्र्याकको उद्घाटन संगै ओपन नेपालगञ्ज पम्प ट्र्याक च्यालेन्ज २०२६ मा देशभरबाट ३५ जना विभिन्न उमेर समुहका खेलाडिले प्रतिश्पर्द गरेको नेपालगञ्ज बाइसाइकलका अध्यक्ष गगन थापाले जानकारी दिए ।
प्रतियोगितामा काठमाडौँका निरप श्रेष्ठ इलाइट मेलतर्फ प्रथम भए , त्यसैगरी बाँकेका अनिश चौधरी द्वितीय तथा बाँकेकै वीरेन्द्र आर्य तृतीय भए । उनीहरूले नगद रु २० हजार १५ हजार र १० हजार प्राप्त गरे ।
त्यसैगरी जुनियर ए क्याटागोरीतर्फ प्रथम स्थान प्रज्ञान नेपाली द्वितीय स्थान प्रसन्न महर्जन र तृतीय स्थान सुशाङ्ग धर्कटवाले प्राप्त गरे । उनीहरूले रु १० ,७ र ५ हजार प्राप्त गरे ।
जुनियर बि क्याटेगोरीमा आदित्य मल्ल प्रथम स्थान सुप्रान्त केसी द्वितीय स्थान र प्रज्ञान बस्नेत तृतीय स्थान हासिल गर्न सफल भए । उनीहरूले पनि समान ७ हजार ५ हजार र ३००० प्राप्त गरे ।
१० वर्ष मुनिको किड्स क्याटेगोरीतर्फ कस्तुप चलाउने प्रथम स्थान दिबियो थारु द्वितीय स्थान र शाश्वत केसी तृतीय स्थान हासिल गर्दै ५ हजार ३ हजार र २ हजार प्राप्त गरे । ३० वर्षभन्दा माथि उमेर समूहको मास्टर क्याटेगोरीमा दीपक मल्ल प्रथम जङ्गु थारु द्वितीय र विष्णुप्रसाद कँडेल तृतीय स्थान हासिल गर्दै नगद रु १५, १० र ७ हजार प्राप्त गरे ।
नेपालगञ्ज साइकलिङ क्लबका अध्यक्ष कविराम बुढाथोकीे साईकल पम्प ट्र्याक देसै भरी २ वटा मात्र भएको जानकारी दिए ।
