बागेश्वरीदेखि ठाकुरद्धारासम्म साईकलयात्रा

  
  प्रकाशित मितिः शुक्रबार, माघ १८, २०७५       | 30 Views   ||

सदरलाइनडटकम,
नेपालगञ्ज : बाँके र बर्दियाका पर्यटकीयस्थलको प्रचारप्रसारका लागि शुक्रवारदेखि टुर द ठाकुरद्वारा–२०७५ शुरु भएको छ । नेपालगञ्जको बागेश्वरी मन्दिरबाट विहान नेपालगञ्जका मेयर डा. शवल शम्शेर राणा र उपमेयर उमा थापाले बिश्व साईकलयात्री पुष्कर शाहलाई राष्ट्रीय झण्डा हस्तान्तरण गरी अभियानकाके शुभारम्भ गरे ।
अभियानले प्रदेशको प्रमुख पर्यटकीय गन्तव्यका रूपमा नेपालगञ्जको बागेश्वरी मन्दिर, जुङ्गे महादेव मन्दिर , बासगढीमा निर्माणाधीन केदारेश्वर धाम, ठाकुरबाबा मन्दिर र बर्दिया राष्ट्रीय निकुञ्जलाई स्थापित गर्दै देश भर चिनाउने बिश्वास लिइएको कार्यक्रम संयोजक सतिश निरौलाले जानकारी दिए । साईकलयात्रामा स्वदेशी र विदेशी गरी ४० जना भन्दा बढिको सहभागिता रहेको आयोजक नेपालगञ्ज साइक्लिङ्ग क्लबका अध्यक्ष केशर आलेले बताए ।
पर्यटन प्रवर्धन, वातावरण सरक्षण, स्वास्थ सचेतनासँगै साइकल चलाउनुको महत्व र साइकल यात्रीका लागि सडकमा साइकल लेन हुन आवश्यक छ भन्ने कुरा प्रवाह गर्नु कार्यक्रमको उद्देश्य रहेको आयोजकले जनाएको छ । साइकल खेल हो, साइकल दैनिक जिवनको महत्वपूर्ण सवारी साधन हो र साइकलबाट पर्यटनलाई टेवा पुर्याउन सकिन्छ भन्ने सन्देश आफुले यो यात्राबाट दिन खोजेको संयोजक निरौलाले बताए ।

प्रकाशित मितिः शुक्रबार, माघ १८, २०७५     2:16:01 PM  |