काठमाडौँ : नेपाल प्रिमियर लिग (एनपिएल) सुदूरपश्चिम रोयल्सले जितका लागि चितवन राइनोजलाई एक सय ७० रनको चुनौतीपूर्ण लक्ष्य दिएको छ ।
त्रिभुवन विश्वविद्यालय अन्तर्राष्ट्रिय क्रिकेट रङ्गशाला कीर्तिपुरमा टस हारेर पहिले ब्याटिङको निम्तो पाएको सुदूरपश्चिमले निर्धारित २० ओभरमा चार विकेटको क्षतिमा एक सय ६९ रन बनायो ।
सुदूरपश्चिमका लागि क्रिस लिनले अर्धशतकीय इनिङ्स खेले । ७५ रनमा रिटायर्ड हर्ट भए । उनले ५६ बलमा पाँच चौका र तीन छक्काको सहयोगमा उक्त रन बनाएका हुन ।
यस्तै ओपनर विनोद भण्डारीले २३ र पुनित मेहराले १३ रन बनाए । आरिफ शेखले र कप्तान दीपेन्द्रसिंह ऐरीले अविजित समान २४÷२४ रन बनाएका थिए ।
बलिङमा चितवनका सैफ जइबले दुई विकेट लिए । रन्जित कुमार र जर्ज स्क्रिमशाले एक एक विकेट लिएका थिए । सुदूरपश्चिम यसअघिनै प्लेअफमा पुगिसकेको छ । चितवनलाई प्लेअफमा पुग्न जित्नैपर्ने बाध्यता छ ।
