समाचार सारांश
Generated Using AI
- रोल्पाको थवाङ–१ मा जलजला जाने बाटोमा जीप दुर्घटना हुँदा २० जनाको घटनास्थलमै मृत्यु भएको छ।
- रुकुमबाट मेला भर्न गएका यात्रु बोकेको जीप करिब ८ सय मिटर तल खसेको प्रहरीले जनाएको छ।
- वर्षाका कारण उद्दार कार्य प्रभावित भएको छ भने मृतकहरूको सनाखत प्रक्रिया जारी छ।
यो सारांश AI द्वारा सिर्जना गरिएको हो।
नेपालगञ्ज : रोल्पाको थवाङ गाउँपालिका–१ को जलजला जाने बाटोमा जीप दुर्घटना हुँदा मृत्यु हुनेको संख्या २० पुगेको छ । प्रहरीका अनुसार घटनास्थलमा नै २० जनाको मृत्यु भएको हो ।
रुकुमबाट जलजलामा मेला भर्न गएका यात्रुहरु चढेको जीप दुर्घटनामा परेको थियो ।
जीप सडकबाट करिब ८ सय मिटर तल खसेको इलाका प्रहरी कार्यालय थवाङका प्रहरी निरीक्षक रामचन्द्र बगालेले जानकारी दिए । थप उद्दार कार्य भइरहेको र मृतकको सनाखत गर्ने काम पनि भइरहेको उनको भनाइ छ ।
पानी परेको हुनाले उद्दार कार्यमा कठिनाइ भइरहेको प्रहरी निरीक्षक बगालेले बताऐ । घटनाको विस्तृत विवरण आउन बाँकी छ ।