नेपालगञ्ज : नेपालगञ्जमा टिप्परले ठक्कर दिँदा एक जना भारतीय नागरिक गम्भीर घाइते भएका छन् ।
नेपालगञ्ज उपमहानगरपालिका वडा नं. २२, पुरैनीमा मंगलबार दिउँसो १२ः१५ बजे ना १ ख २२७१ नम्बरको टिप्परले ठक्कर दिँदा युपी ४० जे १२१७ नम्बरको मोटरसाइकलमा रहेका भारत रुपईडिहा रामपुरका सुरेश तेली गम्भीर घाइते भएका हुन् ।
तेली मोटरसाइकलमा नेपालगञ्जतर्फ आइरहेका थिए भने टिप्पर नेपालगञ्जदेखि कम्दीतर्फ गइरहेको थियो ।
उनको भेरी अस्पतालमा उपचार भइरहेको छ ।
