बर्दिया : बर्दियाको मैनापोखरबाट प्रहरीले भन्सार छलीको सामान बरामद गरेको छ ।
बढैयाताल गाउँपालिका वडा नं.२ फुटहास्थित बाटो छेउमा अवैध रूपमा भारतबाट भन्सार छलीको सामान इलाका प्रहरी कार्यालय मैनापोखर, बर्दियाले बरामद गरेको हो ।
प्रहरीका अनुसार अन्दाजी मुल्य ५० हजार ८ सय १० बराबरको तोरी, माउन्टेन डिउ, चिनी, भेली, पेन्ट, थ्रेसरमा प्रयोग हुने ब्लेड, चक्लेट, नम्किन,सलाई लगायतका किराना सामानहरु बेवारिसे अवस्थामा फेलापारी बरामद गरेको हो ।
उक्त सामानहरु आवश्यक कारवाहीका लागि राजापुर भन्सार कार्यालय गुलरिया पठाईएको प्रहरीले जनाएको छ ।
