सदरलाइनडटकम,
हुम्ला : हुम्लाको खार्पुनाथ गाउँपालिकामा पर्ने खार्पुनाथ सडकखण्डको घुम्ने ठाउँमा माथिबाट पहिरो जाँदा स्काभेटर कर्णाली नदीमा खसेको छ । सडक खन्ने क्रममा माथिबाट खसेको पहिरोले स्काभेटर पुरिँदा चालक बिष्णु बुढा घाइते भएका छन् ।
घाइते बुढालाई उपचारका लागि जिल्ला स्वास्थ्य कार्यालय हुम्लामा पुर्याएको खार्पुनाथ गाउँपालिका प्रशासकीय अधिकृत चन्द्रवीर शाहीले जानकारी दिए । उनको टाउकोमा र पेटमा गहिरो चोट लागेको हुनसक्ने शाहीले बताए । घाइते चालकलाई खार्पुनाथ स्वास्थ्य चौकीले जिल्ला अस्पतालमा रिफर गरेको छ । मंगलवार विहान ११ बजे खार्पुनाथ गाउँपालिका ५ स्थिति घुम्ने ठाउँमा खार्पुनाथ सडक खण्डमा बाटो खन्ने क्रममा माथिबाट आएको पहिरोले ३० मिटर तल नम्बर प्लेटविहीन स्काभेटर कर्णाली नदीमा खसेको छ ।
स्काभेटर कर्णाली नदीकै बीचमा छ भने पानीको बहावले उद्धार गर्न समस्या भएको प्रहरी नायव उपरीक्षक रामप्रसाद घर्तिमगरले बताए । त्यस्तै स्काभेटरका सहचालक विष्णुप्रसाद श्रेष्ठ समान्य घाइते भएका छन् । घाइतेको स्थानीय अस्पतालमा उपचार भईरहेको छ ।
![](https://sadarline.com/wp-content/uploads/2022/07/3.jpg)