सदरलाइनडटकम
२१ चैत, नेपालगन्ज : नेपालगन्ज उद्योग वाणिज्य संघले नियमितरुपमा बिद्युत दिन माग गर्दै जिल्ला प्रशासन कार्यालय बाँके र नेपाल बिद्युत प्राधिकरण नेपालगन्ज बितरण केन्द्रमा निवेदन दर्ता गराएका छन् । केही दिनदेखि बिद्युत सेवा अनियमित भइरहेको भन्दै संघले यस्तो माग गरेको हो ।
संघका अध्यक्ष नन्दलाल बैश्य नेतृत्वको संघको पदाधिकारी तथा सदस्यहरु जिल्ला प्रशासन कार्यालय र बिद्युत प्राधिकरण कार्यालय बुधवार पुगेका थिए । बिद्युत जाँदा सर्बसाधारणहरुलाई समस्या भएको र उद्योग, कलकारखानामा समस्या उत्पन्न भएपछि यस्तो माग गर्नुपरेको संघका अध्यक्ष नन्दलाल बैश्यले बताए ।
