नेपालगञ्ज : बाँके प्रहरीले नेपालगञ्ज–१३ लोनियनपुरुवाबाट अवैध हतियार सहित ३ जनालाई नियन्त्रणमा लिएर अुनसंन्धान सुरु गरेको छ ।
जिल्ला प्रहरी कार्यालय बाँकेबाट खटिएको प्रहरी टोलीले भे.६ प.४९०२ नम्बरको होण्डा साईन मोटरसाईकलमा सवार सदराम बागवान, साकिर अलि बागवान र हुसेन बागवानलाई शंका लागि चेकजाँच गर्दा हुसेन बागवानको साथबाट कटुवा पेस्तोल थान–१ बरामद भएको जनाएको छ ।
उनीहरुका साथबाट प्रहरीले सो पेस्तोलको १२ के एफ ९६ लेखेको गोलि थान–१, मोबाईल थान–३ सहित नियन्त्रणमा लिई थप अनुसन्धान प्रक्रिया अगाडि बढाईएको बाँके प्रहरी प्रवक्ता प्रहरी नायव उपपरिक्षक नारायण डाँगीले जानकारी दिए ।
