नेपालगञ्ज : बाँके प्रहरीले मोटरसाइकल चोरीमा संलग्न २ जनालाई पक्राउ गरेको छ । बाँकेको नेपालगञ्ज उपमहानगरपालिका वडा नम्बर ८ बस्ने बर्ष २३ को अजय सिंह बाडिया र वडा नम्बर ९ बस्ने बर्ष २० को रमेश भन्ने हरि सुनारलाई प्रहरील पक्राउ गरेको हो ।
नेपालगञ्ज ८ बस्ने अतहर हुसेन फारुकीले मोटरसाईकल चोरी भएको भनि जिल्ला प्रहरी कार्यालयमा सूचना दिए पश्चात खोज्ने क्रममा उक्त चोरी गरेको मोटरसाईकल रङ परिवर्तन गरी हरी सुनार र अजय सिंह बाडियाले प्रयोग गरिरहेको अवस्थामा फेला पारी पक्राउ गरिएको जिल्ला प्रहरी कार्यालय बाँकेका सूचना अधिकारी प्रहरी नायब उपरीक्षक नारायण डाँगीले जानकारी दिए ।
दुई जनालाई नियन्त्रणमा लिई थप अनुसन्धान एवं कारवाही अघि बढाईएको प्रहरी नायब उपरीक्षक डाँगीले बताए ।
