दाङ्ग : जापानको टोकियोमा सुरु भएको ३२औं गृष्मकालीन ओलम्पिकमा नेपाली झण्डा बोक्न पाउने एलेक्सजेण्डर शाह (एलेक्स) दंगाली युवक हुन भन्दा सायदै धेरैलाई थाहा नहुन सक्छ । तर, यो सत्य हो । एलेक्स दाङ्गका प्रतिष्ठित व्यवसायि घरानाका साथै पुराना राजनीतिज्ञ रणबहादुर शाहका नाती तथा सञ्जय शाहका छोरा हुन ।
शुक्रबार सुरु भएको सो ओलम्पिकको औपचारिक उद्घाटन सत्रको मार्चपासमा नेपालको राष्ट्रिय झण्डा पौडीका खेलाडीद्वय गौरिका सिंह र एलेक्स शाहले नै बोकेका थिए । यस पटक ओलम्पिकमा नेपालबाट चार खेलका ५ खेलाडीले प्रतिस्पर्धा गर्दैछन् ।
लिंकन स्कूल, काठमाडौंबाट हाईस्कूल पुरा गरेका १८ वर्षिय एलेक्सले फोर्डहम विश्वविद्यालयमा एनसीएएमा पौडीे प्रभाग–१, एनवाईसीमा अध्ययनरत रहेका छन । उनी पौंडी फ्रीस्टाइलमा स्प्रिन्टर, ५० र १०० मिटर मुख्य ईभेन्टका सहभागि हुन ।
उनले ५०, १००, र २०० मिटर फ्रीस्टाइल, साथ साथै ५० र १०० मिटर ब्याकस्ट्रोकमा राष्ट्रिय रेकर्ड होल्ड गरि सकेका छन । भने टोकियो ओलम्पिकमा उनी १०० मिटर फ्री स्टाइल ईभेन्टसमा पौडने छन ।
उनले १४ वर्षको उमेरमा नेपालको लागि पहिलो अन्तर्राष्ट्रिय ईभेन्ट सन २०१७ मा जुनियर वर्ल्ड चैम्पियनशिपमा सहभागि भई, राष्ट्रिय रेकर्ड तोडेका थिए ।
