सदरलाइनडटकम,
नेपालगञ्ज : बाँके प्रहरीले प्रतिबन्धित लागू औषध ब्राउन सुगरसहित दाङ्गका दुई किशोरलाई नियन्त्रणमा लिएर अनुसंधान सुरु गरेको छ ।
प्रहरी निकट स्रोतले सदरलाइनडटकमलाई दिएको जानकारी अनुसार मंगलबार साँझ तिर घोराही–१५का २० वर्षिय आयुस न्यौपाने र घोराही–१३ का २६ वर्षिय कुलबहादुर बुढालाई ६ ग्राम ५ सय मिलि ग्राम ब्राउन सुगर सहित नियन्त्रणमा लिएको हो ।
भारतको रुपैडिहाबाट सो लागू औषध ल्याउदै गरेका न्यौपानेलाई लागू औषध नियन्त्रण व्यूरो शाखा कार्यालय नेपालगञ्ज र ईप्रका जमुनाहको संयुक्त टोलीले नियन्त्रणमा लिएको थियो ।
न्यौपानेलाई जुमनाहबाट सो लागू औषध लिएर आउन लगाई आफु पुष्पलाल चोकमा कुरेर बसेका बुढालाई न्यौपानेले दिएको जानकारीको आधारमा प्रहरीले नियन्त्रणमा लिएर अनुसंन्धान सुरु गरेको जनाएको छ ।
पक्राउ परेका दुबै जनालाई प्रारम्भिक अनुसंन्धान सहित आवश्यक कारवाहीको लागि बरामद लागू औषधमेत जिल्ला प्रहरी कार्यालय बाँकेमा पठाईएको छ ।
साढे छ ग्राम ब्राउन सुगरसहित दाङ्गका दुई युवा प्रहरी फन्दामा
२६ कार्तिक २०७६, मंगलवार २०:०६
