सदरलाइनडटकम,
बैतडी : भारतको पिथौरागढमा तीन नेपाली मजदुरको हत्या भएको छ । उनीहरुको कात्तिक ८ शुक्रवार हत्या भएपनि आइतवार मात्रै जानकारी भएको छ । बैतडीको पुरचौंडी नगरपालिका–५ दहतालीका ३६ वर्षीय हरे बोहरा र २७ वर्षीय बीरा बोहरा तथा पुरचौंडी–४ भटना तडीखेतका ३६ वर्षीय कासी बोहराको हत्या भएको जिल्ला समन्वय समितिका बैतडीका उपप्रमुख धनबहादुर बोहराले जानकारी दिए ।
उनीहरु पिथौरगढको सिलौल मड भन्ने ठाउँमा डेढ वर्ष यतादेखि मजदुरी गर्दै आइरहेको परिवारले जनाएको छ । हरे बोहराकी श्रीमती किर्रा बोहरा फरार रहेकीले घटनामा उनको संलग्नता हुनसक्ने आशंका गरिएको उपप्रमुख बोहराको भनाइ छ । मृतकहरुको शव पिथौरागढ जिल्ला अस्पतालमा राखिएको र सोमवार बिहानै आफन्तहरु पिथौरागढ जाने जनाइएको छ ।
बीरा केही महिनाअघि मात्रै दाजुभाउजुलाई भेट्न भनेर पिथौरागढ गएको र उतै मजदुरी गर्दै आएका थिए । तीनै जनाको सामूहिक हत्या भएकाले कसले गरेको हो भन्ने बारेमा खुल्न सकेको छैन ।
भारतमा तीन नेपालीको हत्या
११ कार्तिक २०७६, सोमबार १३:४२
