सदरलाइनडटकम,
खजुरा (बाँके) : खजुरा गाउँपालिकाले मेलमिलापकर्ता वडा संयोजकका लागि पुनर्ताजकी तालिम दिएको छ । यसअघि विभिन्न समयमा मेलमिलापकर्ताका लागि तालिम प्रदान गरेकोमा वडा संयोजकलाई पुनर्ताजकी गर्न तालिम दिइएको हो ।
उद्घाटन कार्यक्रममा बोल्दै खजुरा गाउँपालिका अध्यक्ष किस्मतकुमार कक्षपतिले मुद्दाभन्दा मेलमिलापमै जोड दिन मेलमिलापकर्ताहरुलाई सुझाव दिए । उनले वडाका जनतावीच हार्दिकता ल्याउने गरी काम गर्न मेलमिलापकर्तामा निखार प्रदान गर्नका लागि तालिम आयोजना गरिएको बताए ।
जनजागरण समाज खजुराको व्यवस्थापनमा भएको कार्यक्रममा खजुरा गाउँपालिका उपाध्यक्ष एकमाया विकले मेलमिलापकर्ताहरुलाई काम गर्दा आउन सक्ने समस्या, उनीहरुले मेलमिलापका लागि अपनाउनु पर्ने विभिन्न विधि र प्रक्रियालगायतका कुराको पुनर्ताजकीका लागि तालिम दिइएको बताइन् ।
खजुरा गाउँपालिका महिला विकास सहायक निरीक्षक सुशीला न्यौपानेले खजुरा गाउँपालिकामा रहेका ८ वडाका मेलमिलाप संयोजक, न्यायिक समिति सदस्यलाई एक दिने पुनर्ताजकी तालिम दिइएको बताइन् ।
मेलमिलापकर्तालाई पुनर्ताजकी तालिम
१४ जेष्ठ २०७६, मंगलवार १७:५४
