सदरलाइनडटकम,
कोहलपुर (बाँके) : बाँकेको कोहलपुरमा जारी पाँचौ कोहलपुर औद्योगिक व्यपार कृषि फुडफेष्टिभल तथा पर्यटन महोत्सवको शुरक्षामा खटिएका गार्डमाथि कुटपिट भएको छ । महोत्सवभित्र सञ्चालन गरिएको फुडफेष्टिभलमा खटिएका सुरक्षा गार्ड यमबहादुर बोगटीमाथि कुटपिट भएको हो ।
महोत्सवभित्र सञ्चालन गरिएको फुडफेष्टिभलमा हरेक दिन बेलुका ६ देखि १० बजेसम्म मदिरा सहितको दोहोरी साँझ कार्यक्रम सञ्चालन हुँदै आएको छ । मधिरा सेवन गरेका युवाहरुको समुहले आफुमाथि हातपात गरेको शुरक्षा गार्ड बोगटीले बताए । बोगटीलाई कुटपिट गर्ने तथा महोत्सवमा आपत्तिजनक हर्कत गर्ने १२ जना युवाहरुलाई नियन्त्रणमा लिइएको ईलाका प्रहरी कार्यालय कोहलपुरले जनाएको छ ।
यसैबिच बा. १६ च ९६९७ नम्बरको गाडीमाथी तोडफोड गरिएको छ । महोत्सवको पार्किङमा राखिएको गाडीको सिसा तोडफोड गरिएको हो । तोडफोड गरिएको गाडी ‘गोरे’ नामबाट परिचित सन्तोष बुढाथोकीको भएको खुल्न आएको छ । गोरे युवा संघका केन्द्रिय सदस्य समेत हुन् । प्रहरीले गाडी तोडफोडमा संलग्नहरुको खोजी शुरु गरेको जनाएको छ ।
महोत्सवको गार्डमाथि कुटपीट, गाडीमा तोडफोड
१९ माघ २०७५, शनिबार १४:३०
