सदरलाइनडटकम,
नेपालगञ्ज : भारतबाट अवैधरुपमा नेपाल भित्र्याइएको लत्ताकपडा सशस्त्र प्रहरीले बरामद गरेको छ । सशस्त्र प्रहरी.बल नेपाल गण हेडक्वार्टर बाँके नं.३० गणबाट सशस्त्र प्रहरी सहायक निरीक्षक अम्मरबहादुर थारुको नेतृत्वमा खटिएको चेक प्वाईन्ट टोलीले चौलिका चोकमा उक्त सामान बरामद गरेको हो ।
भारतको दिल्लीबाट जमुनाह भन्सार नाका हुँदै दाङतर्फ जाँदै गरेको ना ६ ख ५२६९ नं. को यात्रुबाहक बसलाई आइतवार जाँच गर्दा महिलाले लगाउने विभिन्न किसिमका ३ सय ३८ थान लत्ताकपडा बरामद भएको ३० नं. गणका निमित्त गणपति सशस्त्र प्रहरी नायब उपरीक्षक देवबहादुर बोहराले बताए ।
राजस्व छली ल्याइएको करीब १ लाख ४२ हजार १ सय ५० रुपैयाँ बराबरको उक्त सामान आवश्यक कारबाहीका लागि भन्सार कार्यालयमा बुझाइएको उनले जानकारी दिए ।
बाँकेमा डेढ लाखको अवैध कपडा बरामद
२२ पुष २०७५, आईतवार १६:४७
