हुम्लामा कात्तिक मसान्तमै हिमपात

  
  प्रकाशित मितिः आइतवार, कार्तिक १८, २०७५       | 51 Views   ||

सदरलाइनडटकम,
हुम्ला : हिमाली जिल्ला हुम्लामा आइतवार बिहानबाट हिमपात शुरु भएको छ । गत वर्षहरूमा पुष मसान्तदेखि हिमपात शुरु हुँदै आएकोमा यस वर्ष कात्तिकमै हिमपात हुन थालेको हो । बिहानबाट शुरु भएको हिमपात यस वर्षको पहिलो हिमपात हो ।
हिमपातसँगै जिल्लामा चिसो बढेको छ भने तापक्रम माइनसमा झरेको छ । शनिवार दिउँसोबाट बादल लागेको र आइतवार बिहान ७ बजेबाट हुम्लामा हिमपात हुनथालेको हो ।
कात्तिकमा परेको हिमपातले बालीनाली घर नभित्र्याएका कारण किसान चिन्तित बनेका छन् । कात्तिकमा परेको हिमपातले फलफूलमा समेत असर पुग्ने भएको सिमकोट निवासी कमल भण्डारीले बताए । आइतवार सिमकोटको तापक्रम माइनस ६ डिग्रीमा झरेको छ ।

प्रकाशित मितिः आइतवार, कार्तिक १८, २०७५     5:59:25 PM  |