कञ्चनपुरको जंगलमा युवतीको बेवारिसे शव फेला

सदरलाइनडटकम,
कञ्चनपुर : कञ्चनपुरमा एक युवतीको बेवारिसे शव भेटिएको छ । लालझाडी गाउँपालिका–१ हिम्मतपुर जंगलमा सोमवार बेलुकी २६ वर्षीया युवतीको बेवारिसे शव भेटिएको हो ।
स्थानीयले शव देखेपछि प्रहरीलाई खवर गरेका थिए । शवको पहिचान हुन नसकेको जिल्ला प्रहरी कार्यालय कञ्चनपुरका प्रहरी नायब उपरीक्षक कृष्णराज ओझाले बताए । धनगढीस्थित सेती अञ्चल अस्पतालमा मंगलवार शवविच्छेदन गरिने प्रहरीले बताएको छ ।