दुर्लभ बन्यजन्तु रेडपाण्डाको छालासहित एक पक्राउ

२१ भाद्र २०७५, बिहीबार १९:०४
 

सदरलाइनडटकम,
नेपालगन्ज : दुर्लभ बन्यजन्तु रेडपाण्डाको छालासहित नेपालगन्जबाट एक जना पक्राउ परेका छन् । प्रदेश नं. ५ प्रहरी कार्यालय अनुसन्धान ब्यूरोको टोलीले न्युरोडको होटल स्वस्तिकबाट रेडपाण्डाको छालासहित एकजनालाई पक्राउ गरेको हो ।
अवैधरुपमा छाला विक्रीबितरणका लागि नेपालगन्ज आएका बाजुरा कात्तिकस्वामी गाउँपालिका–३ का ३५ बर्षीय जगीन्द्रबहादुर शाहीलाई पक्राउ गरिएको प्रदेश ५ का प्रहरी कार्यालय अनुसन्धान ब्यूरो टोलीका प्रहरी निरीक्षक देवी प्रसाद पौडेलले बताए ।
आवश्यक कारबाहीका लागि रेडपाण्डाको छालासहित शाहीलाई जिल्ला बन कार्यालय बाँकेमा बुझाइएको उनले जानकारी दिए । दुर्लभ बन्यजन्तु रेडपाण्डाको तस्करी गर्नेलाई पाँच लाखदेखि १५ लाख रुपैयाँसम्म जरिवाना र पाँच बर्षदेखि १५ बर्षसम्म कैद वा दुवै सजाय हुने कानूनी व्यवस्था रहेको प्रहरीले जनाएको छ ।

Next Post

खजुरामा तीज गीत प्रतियोगिता सम्पन्न

२१ भाद्र २०७५, बिहीबार १९:०४
सदरलाइनडटकम, खजुरा (बाँके) : बाँकेको खजुरा गाउँपालिका वडा नंं. २ सितापुर रेडक्रस उपशाखाको आयोजनामा विहीवार अमर मावि सि गाउँमा तीज गीत नृत्य प्रतियोगिता गरिएको छ । जुनियर, युवा सर्कलस्तरीय प्रतियोगितामा उक्त क्षेत्रका ८ वटा विद्यालयबाट सहभागिता रहेको थियो । प्रतियोगितामा अमर मावि सि गाउँले प्रथम स्थान ल्याएको छ । उक्त प्रतियोगितामा […]

सम्बन्धित