सदरलाइनडटकम,
काठमाण्डौ : एशिया कप छनोट क्रिकेटमा नेपालले लगातार दोस्रो जीत हात पारेको छ । मलेसियाको राजधानी क्वालालम्पुरस्थित युकेएम ओभल मैदानमा आइतवार भएको खेलमा नेपालले सिंगापुरलाई चार विकेटले पछि पार्दै दोस्रो जीत हात पारेको हो ।
सिंगापुरले दिएको १ सय ५२ रनको लक्ष्य नेपालले २८ दशमलव १ ओभरमा ६ विकेटको क्षतिमा पुरा गरेको थियो । नेपालका लागि ओपनर अनिल कुमार शाहले ४३ रन बनाउँदा दीपेन्द्रसिंह ऐरीले ३३ तथा ज्ञानेन्द्र मल्लले २९ रनको बनाएका थिए ।
टस जितेर पहिला ब्याटिङ गरेको सिंगापुर ४२ ओभरमा एक सय ५१ रनमा अलआउट भएको थियो । सिंगापुरका तीन खेलाडीले मात्र दोहोरो अंक जोडेका थिए । सुरुवात राम्रो गर्न नसकेको सिंगापुरविरुद्ध नेपाली बलर हावी भएका थिए ।
एशिया कप छनोटमा नेपालको दोस्रो जीत, सिंगापुर चार विकेटले पराजित
१७ भाद्र २०७५, आईतवार १६:२४
