सदरलाइनडटकम 
३ असार, नेपालगन्ज : ५ नंम्बर प्रदेश सरकारले नेपालगन्ज–कोहलपुर सडकखण्डमा विद्युतीय बस सेवाको सम्भाव्यता अध्ययन गर्नेे भएको छ । यो सडक खण्डमा विद्युतीय बस सेवाको लागि सम्भाव्यता अध्ययन गर्नलाई आर्थिक वर्ष २०७५/०७६ मा प्रदेश सरकारले बजेट समेत बिनियोजन गरेको छ ।
विद्युतीय बस सेवाको सम्भाव्यता अध्ययन गर्नलाई ५ नम्बर प्रदेश सरकारले बजेट छुट्याएको हो । शुक्रबार प्रदेश सभामा मुख्यमन्त्री शंकर पोखरेलले प्रस्तुत गरेको बजेटमा कोहलपुर–नेपालगन्ज सडक खण्डमा विद्युतीय बस सेवाको सम्भाव्यता अध्ययन गर्नको लागि बजेट बिनियोजन गरेको बताइएको छ ।
विद्युतीय बस सेवाको सम्भाव्यता अध्ययन लागि यहाँका साथै बुटवल–भैरहवा, र घोराही–तुलसीपूरमा लागि समेत आवश्यक बजेट विनियोजन गरिएको मुख्यमन्त्री पोखरेलले बताए ।
प्रदेशका ३ मुख्य स्थानका शहरहरुलाई जोड्नेगरी प्रदेश सरकारले विद्युतीय बस सेवाको योजना अघि सारेको हो । सम्भाव्यता अध्ययन समापन भएपछि सोहीको आधारमा विद्युतीय बस सेवा निर्माण कार्य सुरु हुनेछ ।
५ नम्बर प्रदेश को सरकारले आगामी वर्षका लागि २८ अर्ब ९ करोड ३० लाख रूपैयाँको बजेट प्रदेश सभामा प्रस्तुत गरेको छ ।
नेपालगन्ज–कोहलपुर सडकखण्डमा विद्युतीय बससेवाको सम्भाव्यता अध्ययन हुँदै
३ असार २०७५, आईतवार १९:५८
