सदरलाइनडटकम
१ जेठ, नेपालगन्ज : नेपालगन्ज उप–महानगरपालिका वडा नम्वर ३ ले गत बैशाख २६ गतेदेखि सञ्चालनमा ल्याएको खुल्ला वडास्तरिय कवड्डी प्रतियोगिताको फाईनलमा वडा न ४ को महेन्द्र स्पोर्टस क्लवलाई हराउँदै खजुरा गाउपालिका–८ उपाधीमा कव्जा जमाएको छ ।
सोमबार अवेर राती सम्पन्न खेलमा खजुराले २७ का विरुद्ध ७९ अंकले महेन्द्रलाई पराजित गरेको हो । बेस्ट प्लेयर घोषित खुजरा टिमका कन्हैयालाल चौधरीलाई ५ हजार र राईजिङ प्लेयर मुन सिद्दिकीलाई ५ हजार नगद प्रदान गरिएको थियो । नकआउट सिस्टमका आधारमा खेलाइएको प्रतियोगितामा १७ टिमले सहभागिता जनाएको थियो ।
समापन समारोहमा नगर प्रमुख डा धवल शम्शेर राणाले कवड्डी खेलले नेपालगन्जको पहिचानलाई जोडेको भन्दै यसको निरन्तरताका लागि आहवान गरे ।
नगर उपप्रमुख उमा थापा मगरले खेलले अनुशासन, शारिरिक स्वस्थतासँगै आत्मवल बढाउने भन्दै सबैको हातेमालोको आवश्यक्तामा जोड दिईन ।
युवा आर्कषण बढाउन, राष्ट्रिय स्तरको खेलाडी उत्पादन गर्र्ने बातावरण बनाउन प्रतियोगिता आयोजना गरिएको वडा अध्यक्ष मो अयूव सिद्यीकीले जानकारी दिए । मेडलसँगै प्रतियोगितामा प्रथम हुने खुजुरा टिमलाई ५१ हजार, दोस्रो हुने महेन्द्र स्पोर्टस क्लवलाई २६ हजार प्रदान गरिएको थियो ।
