समाचार सारांश
- सिक्टा सिँचाइ आयोजनाअन्तर्गत डुडुवा शाखा नहर निर्माणमा रहेका अवरोध हटाउँदै काम तीव्र गतिमा अघि बढाइएको छ।
- २३.४ किमी लामो यस नहरबाट १६ हजार हेक्टर जमिनमा सिँचाइ सुविधा पुग्नेछ।
- करिब १.१२ अर्ब लागतको आयोजना तीन वर्षभित्र सम्पन्न हुने लक्ष्यसहित निर्माण कार्य जारी छ।
नेपालगञ्ज : राष्ट्रिय गौरवको आयोजना सिक्टा सिँचाइ आयोजना अन्तर्गतको डुडुवा शाखा नहर निर्माणमा लामो समयदेखिको रहेको अवरोध पन्छाउदै तीब्र गतिमा निर्माण सुरु भएको छ ।
निर्माणमा स्थलगत अबरोधको रुपमा रहेको विद्युतका पोल र खानेपानीको पाईपको कारण निर्माणको काम केही अवरोध भएपनि काम तीब्र गतिले अधि बढेको आयोजनाले जनाएको छ ।
यो नहरबाट १६ हजार हेक्टर भूमीमा सिचाई हुने र यसको लम्बाई २३.४ किलोमिटर रहेको खजुरा र मानपुर दुई मुख्य शाखा रहेको आयोजनाका ईञ्जनियर विकास विष्टले जानकारी दिए ।
उनले डुडुवा शाखा नहर निर्माणमा लामो समयदेखिको रहेको तत्कालिन निर्माण कम्पनीसंग ठेक्का मुद्दाका कारण ठेक्का क्यान्सिल गरेर पुनः ठेक्का लगाएर तीब्र गतिमा निर्माण सुरु भएको उनले बताए ।
नेपालगञ्ज– सर्खेतरोड अन्तरगत पिप्रहवादेखि राझासम्म करिव ५ किलोमिटर सडकको समान्तर टनेलमा निर्माण हुने र बाँकी खुला रुपमा निर्माण हुने आयोजनाका ईञ्जिनियर विष्टले जनाकारी दिए ।
‘नहरको काम तीब्र गतिमा सुरु भएको छ , डुडुवा शाखामा ३३ केभिए, ११ केभिए विद्युत लाईन, नेपाल टेलिकम, एनसेललगायतका अन्डर ग्रउन्डिङ्ग केबलिङ्ग र खानेपानीको पाईपहरु स्थलगत अवरोध छन । अवरोधलाई पन्छाउदै काम गर्न सुरुगरेको छौ’– उनले भने ।
सिक्ट सिचाई आयोजनाले करिब ४३ हजार हेक्टरमा जमिनबाट सिचाई उपलब्ध गराउने मध्येको सबैभन्दा बढी १६ हजार हेक्टर भूमिलाई सिचाई उपलब्ध गराउने डुडुवा नहरको निर्माण आगाी ३ वर्ष भित्र पुरो गर्ने गरी रामेछाप शेर्पा कन्स्ट्रक्सन प्रालिले पाएको छ ।
रामेछाप शेर्पाका कन्ट्रयाक म्यानेजर सरोज केसीले २०८२ असारमा ठेक्क भएको जानकारी दिदै अहिलेसम्म २६ प्रतिशतले भौतिक प्रगती भएको र असार मसान्तसम्म ४० प्रतिशतमा पुराउने गरी काम भई रहेको बताए । उनले कममा अवरोध नभए निर्धारित समय अगाबै निमाण सकिने गरी काम भईरहेको स्पष्ट पारे ।
१.१२ अर्ब रुपैयाँभन्दा बढीको लागतमा निर्माण हुने डुडुवा शाखा तीन वर्षे भित्र निर्माण पुरा गरिसक्नु पर्नेछ । स्थलगत अवरोध पन्छाउन आयोजनाले सर्बपक्षिय सर्ब दलिय छलफल गरी बाधा अड्चन पुकाउदै निर्माणकार्यलाई निरन्तरता दिईएको आयोजना प्रमुख राजु आचार्यले जानकारी दिए ।
उनले भने–‘आयोजनाको काममा अवरोध रहेको ३३ केभिए ११ केभिए विद्युत लाईन, नेपाल टेलिकम, एनसेललगायतका अन्डर ग्रउन्डिङ्ग केबलिङ्ग र खानेपानीको पाईपहरु स्थलगत अवरोध रहेको र यी अवरोधलाई सर्वपक्षिय सहमतीका आधारमा पन्छाएर निर्माण कार्य जारी राखिएको छ ।’
सिक्ट सचिाईको डुडुवा शाखा नहर पुरा भएर सञ्चालनमा आए बाँकेका डुडुवा, खजुरा, नेपालगञ्ज र जानकीका कृषकका लागि ठूलो सहायता हुने अपेक्षा गरिएको छ ।
