नेपालगञ्ज : सरकारी अस्पतालमा पश्चिम नेपालका तीन प्रदेशका अधिकांश बिरामीको रोजाईमा पर्ने गरेको नेपालगञ्जको भेरी अस्पतालमा बिरामीको चापसंगै सेवा विस्तारमा चासो दिइएको छ । पश्चिम नेपालका २४ जिल्लाका बिरामीको सेवा दिँदै आएकोे भेरी अस्पतालले एउटा गौरवमय इतिहास बोकेकोछ ।
लामो कालखण्डपछि अस्पतालको स्तरोन्ति गर्दै विशिष्टकृत सेवा प्रदान गर्ने सुविधा सम्पन्न अस्पतालका रुपमा स्थापित गर्न थालिएको छ । तर, अस्पताललाई समय सापेक्ष बनाउन अझै पनि धेरै चुनौती देखाँ परेका छन् । भेरी अस्पतालले प्रदान गर्ने विभिन्न सेवा मध्ये एक प्रभावकारी सेवा प्रसुती सेवा हो । प्रसुती सेवालाई अझै गुणस्तर बनाउने उद्देश्यले प्रतिनिधिसभा सदस्य दीपा शर्माले छलफल अगाडि बढाइएकी छिन ।
प्रसुती सेवाका लागि छुट्टै एउटा भवन निर्माण गरेर विशिष्टकृत सेवा उपलब्ध गराउने सोचका साथ छलफल प्रारम्भ गरिएको हो । भेरी अस्पताल नेपालगञ्जको परिसरमै रहेको ३ कठ्ठा जमिनमा उक्त प्रसुती गृह निर्माण गर्ने र अप्रेसनलगायत सबै सेवा उक्त भवनबाटै दिने गरी योजना अगाडि बढाउनेमा सरोकारवालाको राय एकमत भएको छ ।
