नेपालगञ्ज : थोपा प्रयोगशाला/मलमपट्टि क्लिनिक्स आफ्नो स्थापना दिवसको अवसरमा बृहद रक्तदान कार्यक्रमको आयोजना गरेको छ ।
थोपा प्रयोगशाला भवनमा आयोजना गरिएको रक्तदानमा ४६ जनाले रक्तदान गरेको प्रयोगशालाका कार्यकारी प्रमुख सुलभ आचार्यले जानकारी दिए ।
नेपालगञ्ज रक्तसञ्चार केन्द्रसंगको सहकार्यमा आयोजित रक्तदानमा चिकित्सक, प्रयोगशालाकर्मी, नर्सिङ स्टाफ, संचारकर्मी, शिक्षक सहित विभिन्न पेशा व्यवसायमा आवद्ध व्यक्तिहरुले रक्तदान गरेको कार्यकारी प्रमुख आचार्यले बताए ।
कुनै पनि बिरामी रगत अभावमा मृत्युवरण गर्न नपरोस् भन्ने उद्देश्यले रक्तदान कार्यक्रम गरिएको उनको भनाइ छ । थोपा प्रयोगशाला/मलमपट्टि किल्निक स्थापनाको आइतवार एक वर्ष पुरा भएको छ ।
