नेपालगञ्ज : विश्व जलविन्दु सप्ताह अन्तर्गत शनिबार नेपालगञ्जमा भिजन आँखा अस्पतालले प्रभातफेरीको आयोजना गरेको छ ।
भिजन आँखा अस्पतालका प्रमुख समेत रहनुभएका डा. प्रचाण्ड गौतमले जलविन्दु सप्ताह अन्तर्गत आम नागरिकमा सचेतना जगाउने उद्देश्यले प्रभात फेरीको आयोजना गरिएको बताए ।
विपी चोकस्थित भिजन आँखा अस्पतालबाट शुरु भएको प्रभात फेरी गणेशमान चोक, भेरी अस्पताल, त्रिभुवन चोक, विपी चोक हुँदै पुनः भिजन आँखा अस्पतालमा पुगेर समापन भएको थियो । समापनमा डा. गौतमले जलविन्दु रोग प्रमुख स्वास्थ्य समस्याको रुपमा रहेको भन्दै नियमितरुपमा आँखा जाँच गर्न सुझाव दिए ।
