नेपालगञ्ज : धनगढीमा ग्रेडरले किच्दा बालिकाको मृत्यु भएको छ । बिहीबार बिहान हसनपुरस्थित पञ्चोदय मावि कक्षा ८ मा अध्ययनरत तारानगर निवासी अन्दाजी १४ वर्षीया चेतना साउँदको मृत्यु भएको जिल्ला प्रहरी कार्यालय धनगढीले जनाएको छ ।
हसनपुर पिपलचौतारा नजिक पानीपिच गरिरहेको ना १ क ९७५ नम्बरको कालिका कन्स्ट्रक्सनको ग्रेडरले लेबल मिलाउँदै ब्याक गर्ने क्रममा साइकलमा सवार साउँदलाई किच्दा घटनास्थलमै मृत्यु भएको प्रहरीले बताएको छ ।
प्रहरीले ग्रेडर चालक चितवन भरतपुर महानगरपालिका २८ निवासी २७ वर्षीय विमल कुमाललाई नियन्त्रणमा लिइएको छ ।
