बाजुरा : अवैध भरुवा बन्दुक सहित बाजुराका एक जना पक्राउ परेका छन् । जिल्ला प्रहरी कार्यालय बाजुराले अवैध हतियार भरुवा बन्दुक सहित त्रिवेणी नगरपालिका ७ कोट्ट्यारी बस्ने वर्ष ४५ का नयाँ लुहार मिजारलाई पक्राउ गरेको हो ।
मिजारले आफ्नो घर भित्र भरुवा बन्दुक लुकाई छिपाई राखेको भन्ने गोप्य सूचनाको आधारमा खटिएको विशेष प्रहरी टोलीले घरमा लुकाई छिपाई राखेको अवस्थामा भरुवा बन्दुक १ थान, बारुद आधा तोला, छर्राको रूपमा प्रयोग गरिने ढुङ्गाका टुक्रा १० गोटा सहित मिजारलाई पक्राउ गरी थप अनुसन्धान भइरहेको जिल्ला प्रहरी कार्यालय बाजुराका प्रमुख प्रहरी नायब उपरीक्षक (डिएसपी) सूर्य बहादुर थापाले बताए ।
