नेपालगञ्ज : नेपालगञ्ज उपमहानगरपालिकाका नगर प्रमुख प्रशान्त विष्टलाई डेंगु संक्रमण पुष्टि भएको छ । डेंगु पुष्टि भएपछि बिष्ट अस्पताल भर्ना भएका छन् ।
बुधबार साँझदेखि उच्च ज्वरो र जिउ दुख्ने समस्या देखिएपछि विष्टले बिहीवार स्वास्थ्य जाँच गराएका थिए ।
उनी शुक्रवार नेपालगञ्ज मेडिकल कलेजमा भर्ना भएका छन् । विष्ट मेडिकल वार्डको १३३ नम्बर क्याबिनमा उपचाररत छन् । उनलाई उच्च ज्वरो आएको छ ।
