कैलाली : कैलालीमा डेंगु रोगबाट बिरामी हुनेको संख्या १ सय ३२ पुगेको छ । चालू आर्थिक वर्षको दुई महिनाको अवधिमा सो संख्यामा डेंगुका बिरामी फेलापरेका हुन् ।
जिल्ला स्वास्थ्य कार्यालयका अनुसार लम्कीचुहा नगरपालिकामा सबैभन्दा धेरै ६६ जना डेंगुका बिरामी फेलापरेका छन् । सेती प्रादेशिक अस्पतालमा २१, टीकापुर अस्पतालमा १३, मालाखेती अस्पतालमा ७ जनामा डेंगु पुष्टि भएको जनाइएको छ ।
गत आर्थिक वर्ष कैलालीमा १५६ जना डेंगुका बिरामी फेला परेका थिए । यस्तै डेंगुबाट २ जनाको मृत्यु भइसकेको छ । भदौ १४ गते धनगढीको निसर्ग अस्पतालमा उपचारक्रममा धनगढी उपमहानगरपालिका–१२ की ३५ वर्षीया महिलाको ज्यान गएको छ ।
यसैगरी टीकापुरकी एक बालिकाको नेपालगञ्ज भेरी अस्पतालमा उपचारक्रममा ज्यान गएको जनाइएको छ ।
