नेपालगञ्ज : अदालतबाट सजाय पाएर फरार रहेका दुईजना प्रतिवादीलाई बाँके प्रहरीले पक्राउ गरेको छ । गाली बेज्जती मुद्दामा फरार नेपालगञ्ज उपमहानगरपालिका वडा नंं.२० बस्ने ५२ वर्षीय बलिराम कुर्मीलाई प्रहरीले पक्राउ गरेको छ ।
उनलाई जिल्ला प्रहरी कार्यालय बाँकेबाट खटिएको प्रहरी टोलीले बुधबार पक्राउ गरेको हो । कुर्मीमाथि बाँके जिल्ला अदालतको फैसलाले गाली बेज्जती मुद्दामा ६ महिना कैद सजाय तोकिए पश्चत उनी फरार भएको प्रहरीले जनाएको छ ।
यस्तै कुटपिट मुद्दामा फरार रहेका युवक पक्राउ परेका छन् । पक्राउ पर्नेमा, नेपालगञ्ज उपमहानगरपालिका वडा नं.२० बस्ने २२ वर्षीय शिवा कुर्मी वर्मा रहेका छन् । उनलाई बुधबार प्रहरीले पक्राउ गरेको हो ।
वर्मा कुटपिट मुद्दामा बाँके जिल्ला अदालतबाट ३ महिना कैद सजाय पाएका उनी हालसम्म फरार रहेका थिए ।
पक्राउ परेका दुबैजनालाई बाँके जिल्ला अदालतमा बुधवारनै बुझाइएको प्रहरी जनाएको छ ।
