नेपालगञ्ज : कञ्चनपुरमा बसको ठक्करबाट एक महिलाको मृत्यु भएको छ । सोमबार भीमदत्त नगरपालिका–५ शान्ति निकेतन चोकमा बसको ठक्करबाट मन्जु बुडालको ज्यान गएको हो ।
जिल्ला प्रहरी कार्यालय कञ्चनपुरका अनुसार ना४ख ४४६६ नम्बरको बसले बाटो पार गर्न लागेकी बुडाललाई ठक्कर दिएको थियो ।
ठक्करबाट उनको घटनास्थलमै मृत्यु भएको कञ्चनपुर प्रहरीले जनाएको छ । दुर्घटनापछि फरार चालकको खोजी कार्य भइरहेको प्रहरी नायब उपरीक्षक चक्र शाहले बताए ।
