नेपालगञ्ज : मलामी जाँदै गरेको बस दुर्घटना हुँदा ७ जनाको मृत्यु भएको छ । दुर्घटनामा ८ जना घाइते भएका छन् ।
आइतवार बिहान बुटवलबाट गुल्मी जिल्लाको रिडीमा शव लिएर मलामी जाँदै गरेको बस बाटो चिप्लो भएका कारण पाल्पा जिल्लाको लघुवा भन्ने स्थानमा दुर्घटना हुँदा ७ जनाको मृत्यु भएको हो । बसमा ३५ जना बढी मलामी सवार रहेको बताइएको छ ।
शव लिएर जाँदै गरेको लु २ ख ७२७९ नम्बरको बस सडकबाट ५० मिटर तल खस्दा ७ जनाको घटनास्थलमै मृत्यु भएको प्रहरीले जानकारी दिएको छ । दुर्घटनामा घाइते भएका ८ जनालाई उपचारका लागि पाल्पा अस्पताल पठाइएको प्रहरीले जानकारी दिएको छ । मृतक र घाइतेहरुको विवरण आउन बाँकी रहेको प्रहरीले जनाएको छ ।
