नेपालगञ्ज : कैलालीमा रोकिराखेको ट्याक्टरसँग मोटरसाइलक ठोक्किँदा मोटरसाइकल चालकको मृत्यु भएको छ । मृत्यु हुनेमा कैलाली लम्कीचुहा नगरपालिका ५ तिलकपुर बस्ने बर्ष ४२ का सुरेश बुढा रहेको प्रहरीले जनकारी दिएको छ ।
गोदावरी नगरपालिका ९ बल्मी स्थित सडक छेउमा ढुंगा लोड गरि राखिएको सु.प.प्र ००–०२ त ६०७९ नंको ट्याक्टरसँग मंगलवार विहान करिब ११ बजे सु.प.प्र.०१००८ प ७१२७ न. को मोटरसाइकल ठोक्किएको थियो ।
मोटरसाइकल ठोक्किँदा मोटरसाइकल चालक बुढा गम्भीर घाइते भएको र उपचारका क्रममा मृत्यु भएको जिल्ला प्रहरी कार्यालय कैलालीले बताएको छ ।
