नेपालगञ्ज : सवारी ज्यान मुद्दाका फरार प्रतिवादीलाई बाँके प्रहरीले पक्राउ गरेकोक छ । नेपालगञ्ज उपमहानगरपालिका–१८ का ३० वर्षीय साधु अहिरलाई प्रहरीले पक्राउ गरेको हो ।
सवारी ज्यान मुद्दामा जिल्ला अदालतबाट अहिर दोषी ठहर भएका थिए । गएको फागुन १७ गते जिल्ला अदालतले अहिरलाई तीन महिना १९ दिन कैद र दुई हजार रुपैयाँ फैसला सुनाएको थियो । त्यसपछि अहिर सम्पर्कविहीन भएका थिए ।
उनलाई घरबाटै पक्राउ गरिएको बाँके प्रहरीले जनाएको छ । पक्राउ परेका अहिरलाई कैद भुक्तानीका लागि बुधवार जिल्ला अदालतमा बुझाइएको प्रहरीले जनाएको छ ।
