नेपालगञ्ज : ट्रयाक्टरको ठक्करबाट कोहलपुरमा एकजनाको मृत्यु भएको छ । शनिवार राती करिब ८ बजे कोहलपुर नगरपालिका ५ एनसिसिएन नजिकै सडक दुर्घटना हुँदा कोहलपुर नगरपालिका वडा नं. २ गौरिडाडाका सन्तोष अधिकारीको मृत्यु भएको हो ।
पश्चिमबाट पुर्बतर्फ जाँदै गरेको लु २ त ४७८४ नम्बरको ट्रयाक्टर र पुर्बबाट पश्चिम तर्फ जाँदै गरेको भे ९ प ५६७८ नम्बरको मोटरसाइकल एक आपसमा ठोक्किँदा मोटरसाइकल चालक अधिकारी गम्भीर घाईते भएका थिए ।
दुर्घटनालगत्तै अधिकारीलाई उपचारकालागि नेपालगञ्ज मेडिकल कलेज कोहलपुर पुर्याईएको थियो । ईलाका प्रहरी कार्यालय कोहलपुरका अनुसार अस्पताल पुगेलगत्तै चिकित्सकले अधिकारीलाई मृत घोषणा गरेका थिए ।
ट्रयाक्टर ईलाका प्रहरी कार्यालय कोहलपुरको नियन्त्रणमा रहेको छ भने चालक फरार रहेको प्रहरीले जनाएको छ ।
