बर्दिया : बर्दिया प्रहरीले ४ लाख ३० हजार ५ सय बराबरको ६१ क्विन्टल ३० किलोग्राम केराउ चोरी निकासी गरी भारत तर्फ लैजांदै गरेको अवस्थामा फेला पारी केराउ सहित १ जनालाई नियन्त्रणमा लिएको छ ।
प्रहरी निरिक्षक गोपाल पौडेल र ईलाका प्रहरी कार्यालय सानोश्री बर्दियाबाट खटिएको संयुक्त प्रहरी टोलिले जिल्ला बर्दिया मधुबन नगरपालिका वडा नं.७ बस्ने २० वर्षका रामकुमार चौधरी सहित उनले चलाएको भे.१ त.९६५५ नं.को ट्याक्टरमा लोड गरी चोरी निकासी गरी भारततर्फ लैजादै गरेको अवस्थामा नियन्त्रणमा लिएको हो ।
बर्दिया मधुबन नगरपालिका वडा नं. ५ गाउँ नं. ११ बडगाँउमा ट्याक्टरमा लोड गरीएको अवस्थामा ३९ क्विन्टल ३० किलोग्राम र सोही उद्देश्यले सोही स्थान नजिकै थुपारी राखेको २२ क्विन्टल गरि ६१ क्विन्टल ३० किलोग्राम केराउ प्रहरीले नियन्त्रणमा लिएको जिल्ला प्रहरी कार्यालय बर्दियाका सुचना अधिकारी प्रहरी नायव उपरीक्षक हेम बहादुर शाहीले जानकारी दिएका छन् ।
नियन्त्रणमा लिईएको केराउ, ट्याक्टर र चालकलाई नियन्त्रणमा लिई आबश्यक कारबाहीको लागी राजापुर भन्सार कार्यालय गुलरिया बर्दियामा पठाईएको बर्दिया प्रहरीले जानकारी दिएको छ ।
