दाङ : राप्ती प्रादेशिक अस्पतालका चिकित्सकलाई दुव्र्यवहार गर्नेहरूलाई प्रहरीले कारबाही अघि बढाएपछि दाङका स्वास्थ्यकर्मी बुधवारदेखि काममा फर्किएका छन् । अस्पतालका मेडिकल सुपरिटेन्डेन्ट डा. विनोद सिंहलाई दुव्र्यवहार भएको भन्दै स्वास्थ्यकर्मीहरू आन्दोलनमा उत्रिएका थिए ।
सिंहलाई दुव्र्यवहार गरेको आरोप लागेका सर्जन परियार, दिवस क्षेत्री र दिलीप डाँगीलाई प्रहरीले पक्राउ गरी कानुनी प्रक्रिया अघि बढाएकाले आन्दोलन स्थगित गरेको नेपाल चिकित्सक संघका जिल्ला सचिव डा. बीपी भुसालले बताए ।
अस्पतालमा अनियमितता भएको, बिरामीको उपचारमा गम्भीरता नभएको, स्वास्थ्यकर्मीहरू नियमित काममा नखटेको जस्ता आरोप लगाउँदै युवकहरूले भदौ ११ गते सिंहलाई कार्यकक्षमै कालोमोसो दलेका थिए ।
