नेपालगञ्ज : बाँके प्रहरीले झन्डै डेढ लाख मूल्य बराबरको भन्सार छलिको सामान बरामद गरेको छ । नेपालगञ्ज उपमहानगरपालिका–१६ जयसपुरमा बेवारिसे अवस्थामा लत्ताकपडा, मोटरसाइकलका पार्ट पूर्जासहितको १ लाख ४८ हजार ६ सय ९० रुपैयाँ बराबरको सामान बरामद गरिएको बाँके प्रहरीले जनाएको छ ।
बरामद गरिएको सामान थप कारवाहीका लागि बुधवार नेपालगञ्ज भन्सार कार्यालयमा बुझाइएको प्रहरी नायब उपरीक्षक मधुसुदन न्यौपानेले जानकारी दिए । पछिल्लो समय बाँके प्रहरीले भारतबाट आउने अवैध सामान नियन्त्रण गर्ने र कारवाही गर्ने क्रम बढेको छ ।
