नेपालगञ्ज : बाँकेमा आइतवार एकजना बालक मृत अवस्थामा फेला परेका छन् । नेपालगञ्ज उपमहानगरपालिका १५ जमुनाहास्थित नजिकैको तलाउमा डुवेको अवस्थामा स्थानीय ९ वर्षीय बालक समिर राइ फेला परेका हुन् ।
ती बालक सुस्त मनस्थितिका भएको प्रारम्भिक अनुसन्धानबाट खुलेको छ ।
जिल्ला प्रहरी कार्यालयबाट प्रहरी निरीक्षक खिमबहादुर घर्ति, जमुनाह प्रहरीका इन्चार्ज पूर्णबहादुर खत्री र सशस्त्र प्रहरी जमुनाह बिओपीका इन्चार्ज जीवन लाल बुढाको संयुक्त टोलिले तलाउबाट शव निकालेको हो । घटनाबारे थप अनुसन्धान भइरहेको प्रहरीले जनाएको छ ।
