दाङ्ग : अविरल वर्षापछि झरेको पहिरोका कारण दाङ–रोल्पा सडकखण्ड अवरूद्ध भएको छ । दाङको घोराहीदेखि रोल्पाको होलेरी जोड्ने सहिद मार्ग शुक्रबार बिहानैदेखि अवरूद्ध भएको हो ।
जिल्ला प्रहरी कार्यालय दाङ्गका प्रवक्ता डिएसपी मुकुन्दप्रसाद रिजालले पहिरो पन्छाएर सडक खुलाउने प्रयास जारी रहेको बताए । सडकखण्डको ठाउँ–ठाउँमा पहिरो झरेको प्रहरीले जनाएको छ । त्यस्तै, तुलसीपुर–सल्यान सडकखण्डमा भने सवारीसाधन सञ्चालनमा आएका छन् ।
अविरल वर्षापछि ठाउँ–ठाउँमा झरेको पहिरोका कारण सडकखण्ड बिहानैदेखि अवरूद्ध थियो । केहीबेरअघि पहिरो पन्छाएपछि सवारीसाधन सञ्चालनमा आएको इलाका प्रहरी कार्यालय तुलसीपुरका प्रमुख डिएसपी श्यामु अर्यालले बताए ।
