कोहलपुर (बाँके) : बाँकेको कोहलपुरमा रहेको डुडुवा बाँधमा डुबेर ३ जनाको मृत्यु भएको छ । ईलाका प्रहरी कार्यालय कोहलपुरका प्रमुख प्रहरी नायब उपरिक्षक रविन्द्र खनालले दिएको जानकारी अनुसार बुधबार साँझ ५ बजे सो घटना घटेको हो ।
कोहलपुर नगरपालिका वडा नं. १० डुडुवा बाँध नहरमा पौडी खेल्ने क्रममा डुबेर नेपालगञ्ज उप–महानगरपालिका वडा नं. ११ का १७ वर्षिय आसिफ जसगढ, १७ वर्षिय अरमान जसगढ र १८ बर्षिय रासीद जसगढको ज्यान गएको हो ।
उनीहरु ५ जना गएका मध्ये ३ जनाको डुबेर मृत्यु भएको अवस्थामा ईलाका प्रहरी कार्यालय कोहलपुरबाट खटेको टोलिले करिब १ घन्टाको खोजतलास पछि ३ जनाकै शब फेला पारेका प्रहरी नायब उपरिक्षक खनालले बताए ।
कोहलपुरको चट्टारमा रहेको डुडुवा नदीको बाँधमा जम्मा भएको पानीमा विभिन्न स्थानबाट पौडी खेल्ने वा बनभोज खाने उद्देश्यले मानिसहरु पुग्ने गरेका छन् ।
