नेपालगञ्ज : लागुऔषध ब्राउन सुगरसहित बर्दियामा एक जना पक्राउ परेका छन् ।
लागुऔषध नियन्त्रण ब्युरो नेपालगञ्ज र बर्दिया प्रहरीको संयुक्त टोलीले बर्दिया मधुवन नगरपालिका वडा नं. ९ को सिर्जनशील टोलबाट कमल शर्मालाई १० ग्राम ४ सय २० मिलिग्राम ब्राउन सुगरसहित पक्राउ गरेको हो ।
लागुऔषध कारोबार भईरहेको छ भन्ने सुचनाका आधारमा ब्युरो र प्रहरीको टोली त्यहाँ पुगेको थियो । सिर्जनशील टोलस्थित हुलाकी सडकखण्डमा शर्मालाई जाँच गर्दा बराउन सुगर बरामद भएको बर्दिया प्रहरीले जनाएको छ । प्रहरीले शर्माविरुद्ध आवश्यक कारबाही अघि बताएको जनाएको छ ।
