बर्दिया : बर्दियामा तैनाथ रहेको सशस्त्र प्रहरी बल नेपालले भन्सार छली गरेर ल्याउँदै गरेको अवस्थामा विभिन्न सामाग्रीहरु बरामद गरेको छ । सशस्त्र प्रहरी बल नेपाल नम्बर ३१ गण, बर्दिया मातहतका य्ुनिटबाट खटिएको टोलीले ५० हजार मुल्य बढीको अवैध सामानहरु बरामद गरेको छ ।
भारतबाट भन्सार छली गरेर नेपालतर्फ सामान ल्याउँदै गरेको अवस्थामा सशस्त्रले सीमा क्षेत्रबाट सामानहरु बरामद गरेको थियो । बरामद भएका सामानहरुमा चिनी, धानको बिउ, सुपर पावर सुर्ती, बिडी र बयल गाडाको टायर लगायतका सामानहरु बरामद गरिएको सशस्त्र प्रहरी बल नेपाल नम्बर ३१ गण, बर्दियाले जनाएको छ ।
बरामद गरिएका सामानहरु आवश्यक कारबाहीका लागि भन्सार कार्यालय गुलरिया बर्दियामा बुझाईएको सशस्त्र प्रहरी बल नेपाल नम्बर ३१ गण, बर्दियाले जनाएको छ ।
