बैतडी : बैतडीमा ट्रयाक्टर दुर्घटना हुँदा दुई जनाको मृत्यु भएको छ भने एक जना घाइते भएका छन् । जिल्लाको मेलौली नगरपालिका ९ असुरपाबाट मेलौलीतर्फ आउँदै गरेको सु.प. प्रदेश ०१००२ त ४५७७ नम्बरको ट्रयाक्टर दुर्घटनामा परेको हो ।
दुर्घटनामा परी ट्रयाक्टरमा सवार रहेका मेलौली नगरपालिका–९ का ३२ वर्षीय नारायण भट्ट र सोही ठाउँका ५८ वर्षीय नारायण भट्टको मृत्यु भएको जिल्ला प्रहरी कार्यालय बैतडीका प्रहरी नायव उपरीक्षक नारायणप्रसाद अधिकारीले जानकारी दिए ।
डीएसपी अधिकारीका अनुसार ट्रयाक्टर सडकबाट करीब एक सय मिटर तल खसेको छ भने चालक अम्रित चौधरी समान्य घाइते भएका छन् । घटनाबारे थप अनुसन्धान भइरहेको प्रहरीले जनाएको छ ।
