नेपालगञ्ज : सशस्त्र प्रहरीले बाँकेको सिमा नाकामा भारतबाट भित्रीदै गरेका अवैध लत्ताकपडा बरामद गरेको छ ।
सशस्त्र प्रहरी बलको कालाबञ्जर बिओपीबाट सशस्त्र प्रहरी निरीक्षक सन्तोष डाँगीको नेतृत्वमा गएको टोलीले मंगलवार राती डुडुवा गाउँपालिका वडा नम्बर ६ कालाबञ्जरबाट १ लाख ७० हजार ९ सय रुपैयाँ बराबरका जुत्ता, जेन्स टिशर्ट, लेडिज सल जस्ता अवैध सामग्री बरामद गरेको सशस्त्र प्रहरी बल नम्बर ३० गण बागेश्वरी बाँकेले जानकारी दिएको छ ।
भारतबाट ल्याइदै गरिएका अवैध सामग्रीलाई कालाबञ्जर बिओपीले धमाधम बरामद गर्दै आएको छ । बरामद गरिएका अवैध सामग्रीलाई बुधवार नेपालगञ्ज भन्सार कार्यालयमा बुझाइएको सशस्त्र प्रहरीले जानकारी दिएको छ ।
