रुकुम : रुकुम पश्चिममा जन्ती सवार जिप दुर्घटना हुँदा ५ जनाको मृत्यु भएको छ । रुकुम पस्चिमका प्रमुख जिल्ला अधिकारी बद्रीनाथ गैह्रेका अनुसार जिल्लाको आठबीसकोट नगरपालिका–७ को दाजे भन्ने स्थानमा रा १ ज ५८९ नम्बरको जिप गएराति साढे ८ बजे तिर भिरबाट अन्दाजी सय मिटर तल खसी दुर्घटना भएको हो ।
आठबीस्कोट(८ दाजेबाट जन्ती लिएर आठबीसकोट–१० घारीखोला तर्फ आउँदै गरेको १०र१२ जना जन्ती बोकेको जिप दुर्घटना हुँदा घटनास्थलमै ४ जना र उपचारकालागि लैजादै गर्दा बाटोमा १ जनाको मृत्यु भएको प्रजिअ गैह्रेले जानकारी दिए ।
उनका अनुसार दुर्घटनामा आठबीसकोट–८ का ५१ वर्षीय कलिभान नेपाली, सोही ठेगाना भएका ४८ वर्षीय आइते चनारा, ५१ बर्षिय गोरे नेपाली र ६६ बर्षीय सार्के नेपालीको घटनास्थलमै मृत्यु भएको हो ।
