नेपालगञ्ज : बाँकेमा मोटरसाइकल दुर्घटना हुँदा बर्दियाका दुई जनाको मृत्यु भएको छ । बुधवार राती १० बजे पूर्व पश्चिम राजमार्गअन्तर्गत बाँकेको मुगुवा खोला नजिकै मोटरसाइकल रोकिराखेको ट्रकमा ठोक्किँदा बर्दियाको ठाकुरबाबा नगरपालिका वडा नं. ३ नेउलापुरका २१ वर्षीय आशिष थारू र १९ वर्षीय सौरब थारूको मृत्यु भएको इलाका प्रहरी कार्यालय कोहलपुरले जनाएको छ । उनीहरु दाजुभाई हुन् ।
ना. ५५ प. ९७५६ को मोटरसाइकल राजमार्गमा रोकिराखेको ना. ३ ख. ६३९ नम्बरको ट्रकमा ठोक्किँदा घाइते भएका दुबै जनालाई उपचारका लागि कोहलपुर मेडिकल कलेज ल्याउँदै गर्दा बाटोमै मृत्यु भएको थियो ।
