नेपालगञ्ज : ट्रयाक्टर र मोटरसाइकल एकापसमा ठोक्किँदा दुई जनाको मृत्यु भएको छ । बर्दियाको बढैयाताल ७, पचासामा दुुर्घटना हुँदा मोटरसाईकलमा सवार श्रीमान र श्रीमतीको मृत्यु भएको हो ।
पचासा निवासी २५ वर्षीय अर्जुन रिमाल र उनकी श्रीमती २३ वर्षीया ललिता रिमालको मृत्यु भएको प्रहरीले जनाएको छ ।
प्रहरीका अनुसार नेपालगञ्जबाट गुलरियातर्फ जाँदै गरेको भे ३ प ७८७० नम्वरको मोटरसाइकल र काठ लिएर विपरीत दिशाबाट जाँदै गरेको भे १ त ५०९९ नम्वरको ट्रयाक्टर एक आपसमा ठोक्किएका थिए ।
दुुर्घटनामा गम्भिर घाईते रिमाल दम्पतिको उपचारका लागि नेपालगञ्ज ल्याइएपनि उनको मृत्यु भएको प्रहरीले जनाएको छ । उक्त ट्रयाक्टर र चालकलाई प्रहरीले नियन्त्रणमा लिएको छ ।
